Monday, August 8, 2011

ഒരു ഉണക്കമീൻ പുരാണം

ചന്തയിൽ എന്റെ പ്രേതത്തെ
ഒരാൾ ഉണക്കിവിറ്റിരുന്നു.
അവന്റെ ഉടലിൽ ഞാൻ നാറ്റമായ് പടർന്ന്
കടലിലെ ഓർമ്മകൾ പേറി പാർത്തുപോന്നു.

ഒരു നാൾ അവൻ
യാത്ര പോകാതെ
ഭാര്യയെ പുണരാതെ
ചങ്ങാതിയെ കാണാതെ
ചന്തയിൽ പോകാതെ
മച്ചിൻപുറത്ത് മറഞ്ഞിരിപ്പായ്.

ഞാൻ പറഞ്ഞു:
നിന്നിൽ നിന്നും പറന്നു പോകാം...
എന്നേക്കുമായി
എന്റെ പ്രേതത്തെ എനിക്കായി നൽകുക.

ഞാൻ ചാപ്പയിൽ നിന്നും
വലയിലേക്കും വലയിൽ നിന്ന് കടലിലേക്കും
സ്വപ്നം തേടി
തുഴഞ്ഞുപോകട്ടെ.

No comments:

Post a Comment